Agora os Centros de Información a Muller, tamén atenden aos LGTBI!

Achegase este ano o 25 de novembro, día contra a violencia machista, coa entrada en vigor da nova normativa dos Centros de Información ás Mulleres (CIM) de Galiza, o novo decreto entrou en vigor o 24 de outubro, publicado no DOG o 3 de outubro.

Son 81 os CIMs que atopamos no noso territorio, en TODO o territorio, para atender as demandas e necesidades de información, atención e asesoramento xurídico e psicolóxico de mulleres vítimas da violencia machista.

Poboación-prevalencia da violencia machista-número de vítimas (mortais ou non, ollo!)-nº de CIMs

As cifras non encaixan....

Máis agora, entra unha nova peza na ecuación.

O novo decreto que regula o funcionamento dos Centros de Información á Muller.

A lei dí que pasaron 10 anos e hai que revisalo.

E se nesa revisión, pódese “calzar” algo que te ten comprometido pero para o que non queres destinar recursos e que ademais vaiche colocar a chapa gayfriendly....que máis se pode pedir!

Tanto é así que, desoíndo as queixas das traballadoras dos CIMs así como as entidades LGTBI galegas, a Xunta inclúe nesta modificación:

“Entre as funcións que poderán desenvolver os CIMs, incluirá tamén actividades de información e atención ao colectivo LGTBI, segundo a Lei 2/2014, do 14 de abril, pola igualdade de trato e a non discriminación de lesbianas, gays, transexuais, bisexuais e intersexuais en Galicia establece que se apoiará un servizo de información, atención e asesoramento a lesbianas, gays, transexuais, bisexuais e intersexuais e ás súas familias e persoas achegadas, en colaboración cos gobernos locais.”

http://igualdade.xunta.gal/gl/actualidade/o-dog-publica-hoxe-o-novo-decreto-que-regula-o-funcionamento-dos-centros-de-informacion

Unha vez a Lei LGTBI galega volve para arremeter contra o propio colectivo! 

Aplausos, por favor.

Isto é o que pasa cando o Parlamento permite a aprobación dunha lei valeira de contido despois de pasar polas tixolas (ou segadora) do Partido Popular....

Segundo xs que votaron a favor, esta lei é un camiño andado, agora só queda ir modificándoa pouco a pouco...

Levamos 2 anos, nin se aplica o que é tan necesario aplicar, nin se modifica nin un chisco por que a maioría parlamentaria tira todo para abaixo, como era de previr.

Golazo.

Para nós e para a cidadanía, contar con esta lei é como ter a carátula dun super disco e atopala baleira o abrilo...a única posibilidade que nos da é utilizala como un Boomerang, tirándoa como exisencia do que “case” prometeron.

Pero voltemos ós CIMs:

Nin os CIMs teñen a capacidade, recursos e tempo de atender a outro colectivo máis coas súas específicidades.

Nin as traballadoras teñen a formación e/ou sensibilidade necesaria.

Nin os gobernos locais van a destinar máis recursos para cubrir esta nova necesidade que a Xunta xera, cando estando moitos CIMs ata arriba de traballo non se contrataba a máis persoal.

Por non ter, non teñen nin un nome que de pé ao colectivo LGTBI a acudir a informarse e asesorarse.

Dende Nós Mesmas denunciamos esta situación, este meternos nalgún oquiño para darnos por satisfeitxs...mentres lesbianas, gais, bisexuais, transexuais e intersexuais seguen sendo acosadxs, vexadxs, insultadxs, apaleadxs, humilladxs, discriminadxs e empurradxs ao suicidio.

Seguiremos facendo todo o que está nas nosas mans para achar o cambio, aínda que non sexa doado.

Ler máis

Concesión de subvención pola Secretaría Xeral de Igualdade da Xunta de Galicia.

Este ano, grazas ao recoñecemento como entidade prestadora de servizos sociais, puidemos optar a solicitude da axuda económica destinada a fomentar o asociacionismo e participación das mulleres, convocada pola Secretaría Xeral de Igualdade da Xunta de Galicia.

Chegounos agora a confirmación de que concédesenos 2000€ para o mantemento do local da asociación.
Isto é unha pequena axuda que facilítanos a labor social e reivindicativa que vimos e seguiremos facendo.

Ler máis

Actividades para Outubro e Novembro

OUTUBRO:

18_19h Mesa Redonda Sufrindo ás presións do patriarcado, organiza CIG, no seu local, falan: Eli Pérez (Nós Mesmas), Laura bugalho e Mai insúa (Lésbicas Creando)

21_20:30h Cineforum DiversXs: Las aventuras de Priscila Reina del Desierto, proxección e debate na Cova dos Ratos (Rúa Romil, 3) Con motovo do día da Despatoloxización Trans

22_17:30 a 19h Actos de rúa polo día da Despatoloxización Trans: mesa informativa, acto de rúa e lectura manifesto, na rúa do Principe (aínda por concretar punto exacto) 

22_ todo o día: Estaremos na Asamblea Constituínte da Plataforma Feminista Galega en Compostela

23_12h Manifestación por unha Lei de Identidade de Xénero Xa!! organizada por os colectivos galegos: Transforma, Nós Mesmas, Alas, Ultreia, Arelas e Casco, na Coruña

24_Charla Diversidade Afectivo Sexual, IES Politécnico, 1º ESO

25_20:30h Presentación do libro STOPGorgofobía pola súa autora Magda Piñeyro no Café de Catro a Catro, organizado por Nós Mesmas e pola Cordinadora de Vigo da plataforma Feminista.

26_ Charla Diversidade Afectivo Sexual, IES Politécnico, 2º ESO

29_Estaremos nas Xornadas Feministas que organiza o CS O Fresco en Ponteareas, cunha charla na que falarán: Eli Pérez e Raquel Cordeiro

31_22h Cea Samain para recadar fondos para o mantemento do local, apuntate por correo nosmesmas@flegtb.org

NOVEMBRO: (polo de agora)

2_ Charla Diversidade Afectivo Sexual, IES Politécnico, 2º ESO

3_ Charla Diversidade Afectivo Sexual, IES Politécnico, 1º ESO

5_12h Presentación anuario Pikara Magazine, lugar aínda por concretar.

17_19:30h Presentación do Fanzine Galiza Nación Cuir, do Centro Social A Galleira, no noso local

26_Estaremos na FESTIVALA Mulleres Creando en VIlagarcía, co obradoiro "Destruíndo o amor romántico" e unha mesa de merchandaisng.

Ler máis

Semana Cultural Orgullo LGTBI Vigo 2016

Como non podía ser doutra maneira, este ano a Dinoseto enarbola a nosa bandeira para anunciar a chegada da SEMANA CULTURAL DO ORGULLO LGTBI+ VIGO 2016!!

Este ano presentamosvos un programa que sacamos con moito traballo, horas de esforzo e adicación e pouco apoio (ou nada) por parte do Concello da nosa cidade, a lo menos que saibamos a data de hoxe.

Pero contamos con moita xente, moitisima, que si quere ver Vigo das cores do arco da vella! neste 2016 máis que nunca podemos dicir que este, será un ORGULLO de TODXS, porque sen o apoio dxs comerciantes, dxs artistas que veñen a actuar DE BALDE e de todxs xs que contribuides no Crowfounding, non poderíamos ter semellante programación!! Dende Nós Mesmas non nos cansaremos de agradecelo!! 

E, agora sí, a programación:

Martes 21_20h_MARCO, Vigo

Visita guiada "Borrador para unha exposición sen título" CABELLO/CARCELER

Mércores 22_20h_Colexio de Arquitectos, R/ Doutor Cadaval, Vigo

Mesa redonda "A LGTBfobia na educación despois dos avances legais"

Inaugura Carmela Silva, Presidenta Deputación de Pontevedra.

Modera: Beatriz Súarez Briones

Ponentes:

Charo Alises: Avogada, presidenta da Comisión de Derechos Humanos do Colexio de Avogados de Málaga e presidenta da Asociación LGTB Ojalá de Málaga.

Conchi Unanúe Cuesta: socióloga, redactora de MAGLES (revista para mulleres lesbianas). Profesora de Dereitos Humanos en UNILEON. Profesora dos Graos de Socioloxía e Traballo Social na UNED.

Mercedes Oliveira: Profesora de secundaria no Alexándre Bóveda en Vigo, catedrática de filosofía e exporta en educación emocional.

José Vela: sociólogo e educador. Experto en estudos de xénero, teoría feminista e masculinidades.

Vénres 24_17h_saída de Laxe (parada de taxis)

Ruta Senda de Barragán (Pazós de Borbén) 

Sábado 25_Praza da Pedra, todo o día!

12h Feira de asociacións e actividades infantís

Refuxiados Galicia recollerá alimentos e portabebés.

12.30h Concerto Tardis Band  

14h Sesión vermú con DJs Petard Pop

18h Concerto Cool Funeral

19.30H MANIFESTACIÓN ORGULLO (saída dende a Praza da Pedra)

21h Performance Martinita y sus maromas.

22h Las Supremas

23.30-03.00h DJ Edi

Luns 27_19.30h_Casa das mulleres, R/Romil, 20, Vigo

Encontro colectivos "Tecendo redes: os dereitos LGTBI dende a base"

Martes 28_Praza do Abanico

FESTA FIN DE ORGULLO

21h_Sesión Dj Petard Pop

22.30h_Proxección curtas Festival La Pecca

Ademáis....

Exposición filmo e bibliográfica nas Bibliotecas Pondal e Neira Vilas.

Exposción fotográfica "Abrindo portas a diversidade" de Xavier Piñeiro na lonxa do Concello (aínda sen concretar por parte do Concello)

PARTICIPA NOS SORTEOS DE DUAS CEAS DOADAS POR LA SABROSA E OUTRA CEA DOADA POLA COVA DOS RATOS (PARA DÚAS PERSOAS), CDS DIVERSOS DOADOS POR FRENOPÁTICO, BANDEIRAS DO ORGULLO DOADAS POR BABIECA, PRODUCTOS DO SEX SHOP DOADOS POR PICANTE. Todo colaboración de diferentes locais da cidade!!

                             

Ler máis

Recadación fondos para o Orgullo LGTBI Vigo

Un ano máis esperamos construir Orgullo entre todas!!

Recadamos fondos en Generosity de Indiegogo para facelo posible, colabora e difunde! este ano imos máis lentas que nunca coa publicación do Orgullo, xa que estanos costando suor e lágrimas conseguir a financiación coa que poder levalo adiante, por iso, cada € conta e recibimos donacións dende 1€ e todo o recadado vai destinado a financiar estas actividades.

No video poderás ver a data da manifestación e seguro atopaste nalgunha foto! 

Ademáis na descripción atoparedes datos sobre as accións que teremos do 20 ao 30 de xuño.

Entra aquí para ver o Crowfounding do Orgullo:

https://igg.me/at/dtQjPx12BkA

Video Orgullo 2016:

https://www.youtube.com/channel/UC3tji5zZ57ZESRCK93Mebvw

E DIFUNDE!!!

Ler máis

Accións mes de Abril: peli, coloquio e Día da visibilidade lésbica

Vénres 22 de Abril, dúas opcións en Vigo ou en Ourense, 

con cal te quedas?

Próximo sábado 30 de Abril....Xornada polo Día da Visibilidade Lésbica (toda info despois do cartaz)

17.30h Comezaremos cun obradoiro de empoderamento e visibilidade, para quentar motores.

Facilitado por Mar Cendon, especialista en xénero e feminismos.

O obxectivo é traballar as ferramentas coas que contamos todas para a autoaceptación, a saída do armario (ou a re-re-re-saída en diversos entornos) e como defendernos e protexernos en situacións que sentimos como agresivas.

20h Proxección documental e coloquio

Este ano, queremos achegar diferentes visións sobre un mismo tema: a Situación actual das mulleres lesbicas. Estas visións verán da man das máis novas que pisan forte, que creceron nun estado con moitos dereitos acadados e loitas percorridas e daquelas que vironse na obriga de percorrer eses camiños empurradas polas que veñen, de aínda máis lonxe e tiveron que ganar batallas miudas pero que romperon muros inmensos.

22h Cea "picoteo" pola Visibilidade lésbica e polo estreo da nova sede!

Cearemos todas as que se queden e as que se queran achegar! haberá pinchos vexetarianos como sempre!

Nesta ocasión a cea non terá un prezo, senón que cada unha costeará a/as bebidas que consuma e como no resto da tarde, haberá botes para quen queira facer unha aportación para sufragar a actividade.

00h Festa Lésbicas e diversas! 

Dende ás 12 da noite estaremos no Pub Plaff! pasando un moi bo rato, boa música e xuntarémos un moi, moi bo ambiente!! 

Que máis para festexalo? Pásate! e non esquezas mercarnos a nos as túas consumicións, das consumicións que Nós mesmas venda, o Plaff! donará unha parte para a Asociación!

(Todas as actividades son DE BALDE, non queremos que ninguén deixe de asistir por ter que porlle un prezo a un espazo de debate e formación, haberá botes para recibir doazóns cos que sufraxarase o gasto da actividade e remunerarase á facilitadora do obradoiro.)

Onde: (onde sempre, só mudamos ao fondo do corredoiro!) Porta do sol, 11 bis, 3º, Vigo

Ler máis

Bus Orgullo LGTBI Madrid 2016

Despois do éxito do ano pasado....REPETIMOS!!

Viaxa a Madrid o Sábado 2 de Xullo, disfruta do ambiente, maniféstate, coñece a festa nas rúas madrileñas nestas datas e volve a casa a descansar o Domingo 3 de Xullo.

Ás saídas realizaránse dende SANTIAGO, A CORUÑA E LUGO, por 50€ ida e volta
e dende PONTEVEDRA, VIGO E OURENSE, por 40€ ida e volta.

O desprazamento realizaráse nun autocar de alta gama e inclúe Seguro de Viaxe e a organización técnica do viaxe ven da man da Axencia Agarimo (XG 528 R/Xeneral Rubín, 21, Baixo, 36800, Redondela-Pontecedra)

Se te interesa...ATENTX ás condicións detalladas a continuación:

-A saída realizase o sábado 2 de madrugada, a hora de saída e os puntos de recollida aínda están por concretar.
-O regreso realizase o domingo 3, saíndo ás 12 do medio día dende a Praza de España (Madrid)
-Prezo ruta norte con saídas dende Santiago, A Coruña e Lugo, 50 euros.
-Prezo ruta sur con saídas dende Pontevedra, Vigo e Ourense, 40 euros.
-Inscrición:
SE SAES DENDE SANTIAGO, A CORUÑA, LUGO, PONTEVEDRA OU OURENSE: contactar directamente coa Axencia Agarimo no tlf 986 125 438, para facilitar os teus datos (nome completo, documento de identificación, tlf contacto e localidade onde vas a coller o bus) e obter o número de conta onde facer o ingreso do prezo completo da viaxe.

SE SAES DENDE VIGO: contacta coa Asociación Nós Mesmas no tlf 627 736 965 ou por mail nosmesmas@felgtb.org, para facilitar os teus datos (nome completo, documento de identificación, tlf contacto e localidade onde vas a coller o bus) e acordar onde e cando facer o pago do prezo completo da viaxe.

-DATA LÍMITE INSCRICIÓN: DOMINGO 26 DE XUÑO

-ALOXAMENTO en Madrid: se queres que Viaxes Agarimo te axude en buscar aloxamento, contacta directamente con eles no 986 125 438. Dende Nós Mesmas non facemos reservas nin búsquedas grupais de aloxamento.

-NON SE FAN RESERVAS DE PRAZA, debido a que o bus fletase a partir dun número de prazas, temos que ter asegurardas as mesmas e non podemos estar a espera de que no último momento confirmese a reserva ou non.

-DEVOLUCIÓNS: o importe total da viaxe será devolta en caso de que non se flete/n o/s bus/es por falta de inscricións, en tal caso avisarase con 5 días de antelación á data da saída. O importe non será devolto se finalmente a persoa non pode asistir.

Ler máis

Coloquio “Corpos e sexualidades nas marxes do sistema laboral”

Coloquio organizado por FestiVal das Bretemas na Biblioteca Pública de Ponteareas  

19 de marzo de 2016.

 O pasado 19 compartimos esta gran mesa con compañeirxs do FestiVal das Bretemas e con Martina (sexóloga) e Antía (1ª xogadora de voleivol federado trans) que falaron, xunto a Nós Mesmas, sobre os corpos e sexualidades nas marxes. Deixamos a continuación a charla da nosa compañeira sobre o que tratamos. Esperamos a vosa opinión.

Ponente: Elisabet Pérez Costas

Na situación actual do mercado laboral quedarse na marxe non é unha novidade nin exclusivo do colectivo LGTBI. Nesa marxe atopámonos moi acompañadas das e das xóvenes que se precarizan ou non atopan o seu primeiro emprego, das maiores de 45 anos, das migrantes, daquelas que teñen unha funcionalidade diversa....

Sendo realmente a marxe moito máis ampla que o propio mercado.

E todas as que formamos parte desa marxe débese, sen dúbida, a unha razón imperante: non damos o perfil que o capitalimos espera de nos...

NON somos homes, brancos, de clase media-alta, heterosexuais e cisxénero, a poder ser casados (cunha familia heteronormativa e cun patrón patriarcal para que a descendencia non sexa un impedimento para a súa carreira) de entre 30-50 anos e con formación universitaria a poder ser.

O que ven sendo, en resumo, que as trans, as nixerianas ou peruanas, a que ten Síndrome de Down ou deficiencia visual, as bolleras, xunto coas naís solteiras e un longo etc NON CUMPRIMOS o estereotipo heterocentrista, machista, mixóxino e racista da nosa sociedade.

De todas formas, TEMOS LEIS, que é moi bonito e moi progue facelas, e para aquelas que si están dentro de ese mercado laboral e se pregunten...e logo, ¿poden despedirme por non ser heterosexual?

POIS NON

Pero as vías para o despido poden ser moitas (e cada vez máis doadas e baratas para o empresario), e é sinxelo atopar unha escusa políticamente correcta para largarte, e se non, sempre queda exercer presión sobre a traballadora para que abandone o posto.

Amparado ademáis en que o acoso laboral, de calqueira tipo, vai ser moi dificil probalo (máis se te larga por la túa orientación e ti estas “dentro do armario”....problemón).

Ante esta situación, por medo ao que poida acontecer, moitas persoas optan por non ser visibles no traballo. 

Ante esta dicotomía, ser visible ou non, moita xente te dí que o privado é privado, e que no traballo non tes que andar a contar con quen te acostas ou ir de abanderada.

Agora ben, o ámbito laboral é un espazo de socialización, onde desenvolvemos parte da nosa vida, pola súa cotidianiedade e cercanía, polas horas que pasamos nel e as relacións que alí establecemos. 

Ocultarnos neste ámbito é negarnos a nós mesmas.

E, ¿cómo se pode ser visible no traballo?

RESPOSTA INOCENTE: do mesmo modo que é visible unha persoa hetero.

E dicir, falando da súa partella, dos seus ligues, das súas relacións afectivas e sexuais, da súa vida social en xeral.

Pero a realidade indicanos que non é frecuente actuar así.

Será polo temor ás reaccións negativas da empresa ou dos compañeirxs, dos comentarios lgtbfóbicos que se escoitan a cotio, dos chistes que vexan a túa orientación ou identidade...todo en conxunto contribue a ter preocupación e ocultalo, acudindo a ese “dereito a intimidade”, que acaba sendo, simplemente, a xustificación, tanto da persoa que se oculta como daquelas que o consideran normal, da lgtbfóbia social existe.

A ningunha persoa hetero ocorreríaselle ocultar esa parte da súa vida, polas consecuencias que lle poda ocasionar no traballo. ¿Imaxinades a un home pensar “vou quitar o anel para que non me pregunten como se chama a miña muller”?

Iso, non é intimidade, é medo e é lgtbfóbia.

Por outro lado, esta invisibilización consciente no ámbito laboral ten outro rasero, xa que reforza a hipótese da inexistencia de persoas LGTB nas empresas. SIMPLEMENTE NON EXISTIMOS.

E, se non existimos, como vai a haber problemas de discriminación ante os que elaborar medidas concretas? (esta é unha razón dada tanto por empresarios como por representantes sindicais).

En definitiva, a visibilidade como ferramenta de igualdade, de loita contra a discriminación e de fomento da diversidade é fundamental. Sobre a visibilidade lésbica, destaca a dificultade que existe entre as mulleres para visibilizarse como “lesbiana”.

Moita xente opina que porque temos que etiquetarnos, persoalmente penso que unha “etiqueta” por así chamalo, non ten que ser un estereotipo, que é onde está o problema, pero é un dos xeitos básicos nos que nos relacionamos as persoas, categorizándonos, usando categorias sociais construídas, que non son estáticas nin excluíntes.

Identificarnos como “lesbianas” agora mesmo, supón aceptar a definición que a sociedade nos impón do que é unha lesbiana e que, probablemente, non corresponda coa nosa propia experiencia e mentras estes significados, vagos e negativos, sobre o lesbianismo sigan vixentes, non nos identificaremos e por tanto, continuaremos invisibilizándonos. Ante isto debemos implicarnos todas nun proceso de deconstrucción, derrubar o muro da invisibilidade e construir unha identidade lésbica positiva, fora da marxinalidade, e aberta aos milleiros de perfís que existen.

E nisto é no que andamos en Nós Mesmas, en saír a rúa e visibilizar as diferentes realidades, achegalas a outros colectivos, traballar a diversidade cxs máis novxs, denunciar a discriminación e reivindicar unha sociedade nosa, de todas. 

Ler máis

Estaremos nas XII Xornadas para a Igualdade en Allariz

Aquí vos deixamos cartaz e programacións destas XII Xornadas para a igualdade que terán lugar, un ano máis en Allariz organizadas polo seu Concello e nas que temos o pracer de participar na xornada do martes 15 de marzo ás 19h.

Animádevos a participar!

Ler máis

O Informe Delitos de Odio de 2015 amosa a punta do iceberg das agresións por LGTBfóbia

O Informe de Delitos de Odio 2015 do Ministerio do Interior, amosa a punta do iceberg das agresións por orientación sexual e identidade de xénero.

Dito informe fixa a cifra en 1324 delitos relacionados co odio, e coloca as agresións deivadas da lgtbfóbia en cuarto lugar, por detrás dos delitos por racismo e xenofobia, por ideoloxía e dos ataques a persoas con discapacidade.

De 523 delitos en 2014 a 168 en 2015. Unha baixada moi significativa que non amosa realmente unha diminución dos delitos contra persoas LGTB, senon unha forma diferente de catalogalos.

Según o Observatorio de Redes contra el Odio da FELGTB, máis do 70% de quen sufre unha agresión física ou verbal, ou ameaza con tintes LGTBfóbicos non o denuncia, sendo unha das principais razóns o medo de saír do armario ou a sensación de que o agresor non terá consecuencias. A cifra de agresións, por tanto, extrapolando datos, superaría o medio millar. 

Constantemente temos constancia dunha nova agresión a unha persoa LGTBI, ben a través das noticias (as menos), a través das redes sociais por difusión doutras entidades, ou porque chegan directamente a nos para denunciar e contar o que lles aconteceu.

En Galiza temos aínda moi fresco a agresión acontecida contra Antonio Roldan e a súa parella, fai escasas semanas, en Santiago de Compostela, unha agresión que férenos aínda máis ao ser conscientes de que contamos cunha Lei pola igualdade e non discriminación de persoas LGTBI en Galicia, carente de contido en sancións específicas (entre outras moitas cousas).

Con todo isto, sumámonos ás exisencias da FELGTB ao Ministerio do Interior:

-Unha Lei de Proteción integral contra os Delitos de Odio que mellore o tratamento das denuncias e a protección dxs afetadxs.

-Melloras nos rexistros policiais.

-Formación policial estructural.

-Formación dos operadorxs xurídicos.

-Aplicación do protocolo para as forzas e corpos de seguridade do Estado.

-Campaña de achegamento ás vitimas e apoio ás entidades que exercen de mediadoras.

Descargate aqui o Informe Delitos Odio 2015

Ler máis

O caso Laura Bugalho ou a persecución xudicial á solidaridade.

Sí, fai un tempo que volven a circular novas polas redes sociais de Laura, compañeira no activismo (LGTBI no noso caso, pero aquí non remata o seu), falando de xuizo, anos de prisión....a data da nova, 2013, confusión...e suspiro! non está de novo a punto de ser enxuizada.

Pero poucos días tiveron que pasar para darme de conta de que seguian circualndo novas en torno ao tema, e é que cando o río sona....

Volvamos ao principio para ver se alguén, eu non son quen, atopalle pes a isto:

2009, Bugalho axuda a destapar unha trama mafiosa, grazas á súa labor culminase a Operación Peregrino, que descobre 57 cidadáns marroquís atraídos a España baixo promesa de traballo despois de obrigarlles a pagar sobre 10.000€.

Pasa un mes, e un conxunto de empresas e sindicatos galegos reclamaronlle, aos 57 cidadás marroquís, que para traballar hai que pagar! si, si, nada menos que a metade do soldo que figuraba nas súas nóminas, desta forma, tan desinteresada, os empresarios cobraban de xeito encuberto os seus papeis e permisos de residencia.

Bugalho denuncia, comezan episodios de acoso policial, unha semana despois era detida.

2013, xuizo no que é acusada de falsedade documental, pena de entre 6 e 8 anos de prisión. No proceso, “pequenas” irregularidades como a coacción por parte da policía aos migrantes.

2016, o 23 de febreiro terá lugar o novo xuizo, a pesar de que 3 dos 4 migrantes chamados a declarar están desaparecidos, a Fiscalía pide pena de prisión de 3 anos.

Ese día temos unha cita OBRIGADA con Laura Bugalho, coa nosa integridade como persoas, coa defensa dos dereitos humanos, os nosos e os dos que veñen de fora tamén! unha cita pola defensa da solidaridade, palabra que tantas veces enchenos a boca e da que nos temos que inchar e encher ben o próximo martes. 

O Foro Galego de Inmigración convoca esta concentración ás 11.30 na porta dos xulgados onde Laura Bugalho coñecerá o que destino ó que lle abocan aqueles que moven os fíos por axudar ás persoas migrantes en situación de irregularidade administrativa, os xulgados de Fontiñas en Santiago de Compostela (Rúa Viena).

Nós Mesmas súmase a esta convocatoria e pedimos  a ABSOLUCIÓN para esta compañeira, activista en toda causa, incansable e todo un referente para o colectivo LGTBI na Galiza.

Dende Vigo estamos contigo!

Fonte: http://www.playgroundmag.net/articulos/pruebas-amar-projimo-crimen-Europa_0_1691230861.html

Ler máis

Concentrámosnos diante do Marco por Antonio Roldan e Rober

MANIFIESTO CONCENTRACIÓN GALIZA UNIDA CONTRA A LGTBIFÓBIA

Dende a Asociación Nós Mesmas reunímonos hoxe aquí con urxencia xa que o pasado martes tivo lugar en Santiago outra agresión homofóbica.

Antonio Roldan foi agredido verbal e fisicamente nun supermercado e máis tarde, os mesmos agresores que os perseguiron ata o hospital onde era atendido, continuaron coa retaila de insultos e agravios contra Roberto Santiago, a súa parella, chegando tras el ata a mesma habitación onde Antonio se atopaba e onde o persoal médico tivo que “custodialos” ata a chegada, de novo, da policía.

Neste caso, os agravios non só estaban cargados dun profundo sentimento homofóbico, senon tamén serófobo, realidade moitisimo máis invisibilizada que a relativa á orientación sexual e que exclúe ás persoas que viven con VIH+ do ámbito social, familiar, laboral...as criminaliza e culpabiliza, obrigándoas a vivir ocultas.

E sí, esta é outra agresión de tantas, de tantas que ocorren a cotío, nas escolas, dentro da familia, no grupo de iguais, no noso lugar de traballo, na sanidade, cando paseamos por un parque ou, como neste caso, cando imos facer a compra.

A prensa di que estamos ante un aumento das agresións LGTBIfóbicas, pero é asi? 

Pensamos que non, pero ninguen pode corroboralo xa que carecemos de rexistros, de investigacións, dun observatorio contra a LGTBIfóbia.....que xunto a invisibilidade do noso colectivo, do medo a que se repita ou á repercusión que pode ter unha denuncia, o descoñecemento dos nosos dereitos, a inseguridade ante a policía....impídenos, na maioría dos casos, denunciar e facelo público.

Aínda así, en Galicia seguimos a ser a terceira comunidade con maior número de delitos de odio por orientación sexual e identidade de xénero, sendo ata 3 veces maior a incidencia contra as mulleres lesbianas, bisexuais ou transexuais que sobre os homes.

E, que vai pasar cos agresores de Antonio e Rober?

Pois tampouco podemos dicilo.

Xa que a pesar de contar en Galicia coa primeira Lei estatal pola visibilidade e non discriminación de lesbianas, gais, bisexuais, transexuais e intersexuais, o Goberno actual encargouse de vaciala de contido, eliminando, incluso, o artígo de sancións, co que está agresión non contará con ningún agravante de homofóbia, se non como simple delito de lesións.

Pero hoxe estamos aquí todas e todos nós, para apoiar a Antonio e a Rober, e para rexeitar pública e socialmente as agresións e a discriminación que vivimos lesbianas, gais, bisexuais, transexuais e intersexuais polo simple feito de ser quen somos.

Repetimos o lema feminista contra a violencia machista “Ningunha agresión sen resposta” e o facemos noso. Rechazamos o machismo e o patriarcado que pretende manter a súa fortaleza, o seu imperio e ditadura a través da imposición, da discriminación, da violencia e do asasinato de mulleres e nenas e daquelas que temos unha orientación sexual ou identidade de xénero que non responde o seu patrón heterocéntrico.

Seguiremos visibilizando estas agresións, facendo cómplices o resto da sociedade da inxustiza cometida e concienciando para que non se mire cara outro lado e todas e todos, nos impliquemos na erradicación da homofóbia, da bifobia e da transfóbia.

STOP LGTBIFOBIA!!

Queremos recordar ademáis, que esta tarde ás 20h volveremos a estár aquí coa Marcha Mundial das Mulleres na concentración en repulsa polo asesinato por violencia machista acontecido en Becerrea.

Ningunha agresión sen resposta!

Ler máis

Concentración en repulsa das agresións homofóbicas acontecidas en Santiago.

Mañán sábado, 13 de febreiro ás 12h, terá lugar fronte ao Museo Marco, unha concentración denunciando a agresión homófoba que tivo lugar o pasado martes en Santiago de Compostela.

A Asociación Nós Mesmas, de defensa dos dereitos das mulleres lésbicas e bisexuais, organiza dita concentración baixo o lema “Galiza unida contra a LGTBIfobia” convocándose de forma unitaria co resto de colectivos LGTBI galegos que realizan cadansúas concentracións entre este vénres e  sábado.

O pasado martes, Antonio José Roldan, foi agredido física e verbalmente nun supermercado da capital galega e as agresións continuaron, xa cara el e a súa parella, no hospital no que foi atendido. As agresións de carácter LGTBIfóbico suceden en Galicia constántemente, e debido a invisibilidade do colectivo, o medo das vitimas e o descoñecemento dos nosos dereitos, case non son denunciadas, aínda así, Galicia é a terceira comunidade con maior porcentaxe de delitos de odio cara lesbianas, gays, bisexuais e transexuais. 

Ante situacións coma esta, Elisabet Pérez, representante de Nós Mesmas, afirma que “denunciar ante as autoridades é fundamental, pero ademáis debemos ser conscientes da importancia de realizar unha denuncia social, pública, xa que visibilizar estas agresións permítenos facer cómplices a sociedade da inxustiza cometida e concienciar para que todas e todos se impliquen na erradicación da LGTBIfóbia” e engade que “hai que ter en conta, que a Lei galega de visibilidade e non discriminación do colectivo LGTBI, carece de contido no referente ás sancións das agresións LGTBIfóbicas e por tanto, non pode ser condeada co agravante discriminatorio que ten.”

Ler máis